टर्कीमा विगतमा सडकको बीचमा ठूलो विस्फोट भएको थियो । जसमा ६ जनाको मृत्यु भएको छ भने ८१ जना घाइते भएका छन् । राजधानी इस्तानबुलको सडकमा मानिसहरु खचाखच भएको बेला विस्फोट भएको थियो । टर्कीका राष्ट्रपति रजब तय्यब एर्दोगानले यसलाई आतंकवादी हमला भनेका छन् । यससँगै प्रहरीले धेरैलाई पक्राउ पनि गरेको छ ।
यो हमलाबाट आक्रोशित टर्कीले विश्वका दुई देशमा हवाई आक्रमण गरेको खबर आएको छ । गत हप्ता इस्तानबुल बम विष्फोटका लागि जिम्मेवार कुर्द समूहहरूलाई लक्षित गर्दै यसले सिरिया र इराकको उत्तरी क्षेत्रहरूमा हवाई आक्रमण सुरु गरेको छ ।
टर्कीको रक्षा मन्त्रालयले आइतबार यो जानकारी दिएको हो । मन्त्रालयले एक विज्ञप्तिमा भन्यो कि युद्धविमानहरूले प्रतिबन्धित कुर्दिस्तान वर्कर्स पार्टी, वा पीकेके, र सिरियन पिपुल्स प्रोटेक्सन युनिट्स, वा वाईपीजीको लक्ष्यमा आक्रमण गरेको थियो । बयानको साथमा F-16 विमान उडेको फोटो र ड्रोनले आक्रमण गरेको भिडियो फुटेज पनि थियो । अहिले सम्म, कुनै पनि समूहबाट तत्काल कुनै टिप्पणी छैन ।
