काठमाडौं जिल्लाको महानगरपालिका वडा नम्बर २९ ठमेल स्थित एक होटलमा लागूऔषधको कारोबार भइरहेको भन्ने विशेष सूचनाको आधारमा प्रहरीले एकजना मलेसियन महिलालाई पक्राउ गरेको छ ।
जिल्ला प्रहरी परिसर काठमाडौंको विशेष प्रहरी टोली र प्रहरी वृत्त लैनचौरको संयुक्त टोली Kathmandu City Hotel को एक कोठामा गई सो कोठाको चेकजाँच तथा खानतलासी गर्दा ६ वटा स्कुल ब्यागमा False Bottom बनाएर राखेको लागूऔषध कोकिन जस्तो देखिने पदार्थ बरामद भएको थियो ।
पक्राउ पर्ने जोहोर, मलेसिया बस्ने ४७ वर्षीया मलेसियन महिला Bathumalai Vadivaloo रहेकी छिन् । निज महिलाको ब्यागहरुमा कोकिन जस्तो देखिने पदार्थ ५ किलो ८ सय २० ग्राम बरामद भएको छ भने उक्त कोकिनको मूल्य अन्दाजी रू. २० करोड ३७ लाख रहेको कुरा प्रहरीले जनाएको छ ।
उक्त बिदेशी नागरिकलाई नियन्त्रणमा लिई प्रहरी वृत्त, लैनचौरबाट थप अनुसन्धान भइरहेको कुरा जिल्ला प्रहरी परिसर, काठमाडौंले जनाएको छ ।
