नेभा, बाँके, १९ असार,

बाँके जिल्लाको नेपालगंज उपमहानगरपालिका वडा नम्बर २१ बसन्त मल्ल चोक नजिक वडा प्रहरी कार्यालय, नेपालगंजबाट खटिएको प्रहरी टोलीले भारतबाट अबैध रुपमा भन्सार छली चोरी निकासी गरी ल्याएको सामानहरु नियन्त्रणमा लिएको छ ।

प्रहरीले ९ हजार २ सय ८० पिस जम्मा अन्दाजी मुल्य रु. १० लाख ५ हजार बराबरको Mobile Screen Guard फेला पारी नियन्त्रणमा लिएको थियो ।

साथै ढुवानीमा प्रयोग गरिएको २ थान मोटरसाईकल र ३ थान साईकल सहित बरामद गरि आवश्यक कारवाहीको लागि भन्सार कार्यालय, नेपालगंज बाँकेमा बुझाईएको कुरा जिल्ला प्रहरी कार्यालय, बाँकेले जनाएको छ ।