चर्चित फेसन डिजाइनर प्रत्युषा गरिमेला तेलंगानाको बंजारा हिल्सस्थित उनको घरमा मृत फेला परेकी छिन् । तेलंगाना प्रहरीले प्रत्युषाको सुत्ने कोठाबाट कार्बन मोनोअक्साइड सिलिन्डर बरामद गरेपछी शंकास्पद अवस्थामा मृत्युको धारामा मुद्दा दर्ता गरेको छ ।
टलिउड फेसन डिजाइनर प्रत्युषा गरिमेलाको शव शनिबार हैदराबादको बंजारा हिल्सस्थित उनको अपार्टमेन्टको बाथरूममा फेला परेको थियो । प्रत्युषाको कोठाबाट कार्बन मोनोअक्साइडको सिलिन्डर पनि फेला परेको थियो, जसलाई प्रहरीले मृत्युअघि गरिमेलाले सुँघेको हुन सक्ने आशंका गरेको थियो ।
प्रत्युषा डिप्रेशनबाट पीडित थिइन् । यद्यपी यस विषयमा अनुसन्धान भइरहेको र शवलाई पोष्टमार्टमका लागि उस्मानिया अस्पताल पठाइएको छ ।
प्रत्युषाले अमेरिकामा फेसन डिजाइनिङको अध्ययन गरेकी थिइन् र आफ्नो करियर हैदराबादबाट सुरु गरेकी थिइन् । उनले 2013 मा आफ्नै नाम बाट एक लेबल सुरु गरे र त्यसपछि प्रत्युषाले कहिल्यै पछाडि फर्केर हेरेनन् । शीर्ष फेसन डिजाइनर गरिमेलाले टलिउड र केही बलिउडका धेरै ठूला व्यक्तित्वहरूका लागि पनि काम गरिन् ।
