बैशाख १६ गते जिल्ला कास्कीको पोखरा महानगरपालिका ११ फुलबारी स्थित शिवशक्ति मा. वि. मा संचालन भइरहेको कक्षा १२ को सामाजिक शिक्षा विषयको प्रश्न पत्र विद्युतीय माध्यमबाट बाहिरिएको थियो ।
प्रश्न पत्र बाहिरिएको भन्ने सूचनाको आधारमा वडा प्रहरी कार्यालय, रामबजार र तालुक गण्डकी प्रदेश प्रहरी कार्यालयबाट समेत खटिएको प्रहरी टोलिले कक्षा १२ को परीक्षामा प्रश्न पत्र आउट गर्ने व्यक्तिहरुलाई नियन्त्रणमा लिएको छ ।
पक्राउ पर्नेहरु जिल्ला कास्की पोखरा महानगरपालिका वडा नम्बर ११ फुलबारी बस्ने ३९ वर्षको नारायण बास्तोला र सोही ठाउँमा बस्ने ३७ वर्षको रामचन्द्र बास्तोला हुन् । निजहरुलाई कक्षा १२ को थप उत्तर पुस्तीका ८ थान र मोबाइल ३ थान सहित पक्राउ गरीएको छ ।
शिक्षा ऐन २०२८, अन्तर्गतको कसुरमा अनुसन्धान तथा कारवाही प्रकृया अगाडी बढाईएको कुरा प्रहरी नायब उपरीक्षक बसन्त कुमार शर्माले जनाएका छन् ।
