इलाका प्रहरी कार्यालय, टाँडी चितवनबाट खटिएको प्रहरी टोलिले जिल्ला चितवन कालिका नगरपालिका वडा नम्बर ७ आदर्शटोल स्थितबाट लागूऔषध सहित एकजना व्यक्तिलाई नियन्त्रणमा लिएको छ ।
उक्त ठाउँमा बस्ने ३० वर्षको मिलन तामाङलाई शंकास्पद रूपमा हिडिरहेको अवस्थामा फेला पारी निजको खानतलासी गर्दा निजको साथबाट डाईजेपाम १९७ एम्पुल, बुप्रिनोर्फिन २१० एम्पुल, फेनार्गन १८६ एम्पुल गरि जम्मा ५ सय ९३ एम्पुल फेला परेको हुँदा निजलाई पक्राउ गरिएको छ ।
उक्त लागुऔषध सहित निजलाई नियन्त्रणमा लिई थप अनुसन्धान भइरहेको कुरा जिल्ला प्रहरी कार्यालय, चितवनले जनाएको छ ।
