पाल्पा जिल्लामा मङ्सिर १७ गते बिहेको भोज खाएको २४ घण्टा पश्चात १३८ जनामा पेट दुख्ने, वान्ता आउने जस्ता लक्षणहरु देखिएका छन् ।
पाल्पा र प्यूठान जिल्ला स्थित स्वास्थ्य कार्यालयबाट उपचारका लागि स्वास्थ्यकर्मीको टोलि परिचालन गरी जिल्ला अस्पतालमा उपचारको लागि लागिएको थियो । हाल सात जना व्यक्तिहरु अस्पतालमा उपचाररत छन् र अहिले सबैको स्वास्थ्य अवस्था सामान्य छ । उक्त टोलीले प्रभावित क्षेत्रका घरघरमा पुगी पुनर्जलीय झोल वितरण गर्नुको साथै जनचेतनामुलक कार्यक्रम पनि संचालन गरेका छन् ।
प्ररम्भिक अनुसन्धान अनुसार सिचाईका लागि प्रयोग हुने पानी खाना बनाउन र अन्य प्रयोजनका लागि प्रयोग भइरहेको पाइएकोले पानीको नमुना जाँचको लागि प्रादेशिक प्रयोगशाला, लुम्बिनीमा पठाइएको कुरा Ministry of Health and Population, Nepal द्वारा जारी गरीएको विज्ञप्तिले जनकारी गराइएको छ ।
