रुससँगको बन्दी आदानप्रदानमा रुसले २० महिलासहित १०० युक्रेनी बन्दीलाई रिहा गरेको छ । युक्रेनका अधिकारीहरूले यो जानकारी दिएका छन् । युक्रेनको राष्ट्रपति कार्यालयका प्रमुख एन्ड्री एर्माकलाई उद्धृत गर्दै सिन्ह्वा समाचार एजेन्सीले रिहा भएकाहरूमा युक्रेनी सेना, राष्ट्रिय गार्ड र नौसेना र सीमा सुरक्षाकर्मीहरू रहेका छन् । रिहा भएका मध्ये केही या त घाइते वा गम्भीर बिरामी छन्, एर्माकले टेलिग्राममा लेखे । उनले स्वैप सम्झौता अन्तर्गत युक्रेनले छोडेका रुसी सेनाको संख्याको विवरण दिएनन् ।
समन्वय मुख्यालयले युक्रेनले जेनेभा महासन्धि अनुसार पाँच गम्भीर घाइते सैनिकलाई रुसलाई हस्तान्तरण गरेको जनाएको छ । मार्च २०२२ देखि, रुससँग कैदी आदानप्रदानको परिणाम स्वरूप २,००० भन्दा बढी युक्रेनीहरूलाई मुक्त गरिएको छ ।
यसअघि युक्रेनी उद्धार संस्थाका प्रमुख माइकोला कुलेबाले युद्धका क्रममा रुसमा लगिएका ३१ बालबालिकालाई फिर्ता ल्याएको बताएका थिए । कुलेवाले शनिबार किभमा पत्रकार सम्मेलन गरी सो जानकारी दिएका हुन् ।
