माल्दिभ्सको राजधानी मालेको एक ग्यारेजमा आगलागी हुँदा आठ भारतीयसहित कम्तीमा १० जनाको मृत्यु भएको छ । यो भवनको पहिलो तल्लामा प्रवासी मजदुरहरू बस्ने गर्दथे । भारतीय उच्चायोगका एक अधिकारीले सो जानकारी दिएका हुन् । माभियो मस्जिद नजिकै एम. निरुफेफीमा दिउँसो आगलागी भएको हो ।
भारतीय उच्चायोगमा कार्यरत कल्याणकारी कार्य अधिकारी रामधीर सिंहले भने, ‘अहिलेसम्म १० जनाको मृत्यु भएको पुष्टि भएको छ, जसमध्ये आठ भारतीय नागरिक छन् । अन्य दुई जनाको नागरिकता भने खुल्न बाँकी छ ।’
यसअघि भारतीय उच्चायोगले ट्विट गरेको थियो, ‘मालेमा भएको आगलागीको घटनाको बारेमा सुन्दा दुःख लागेको छ, जसमा धेरैको ज्यान गएको छ । हामी माल्दिभ्सका अधिकारीहरूसँग सम्पर्कमा छौं ।” उनले भने कि उच्च आयोगले प्रभावित भारतीय नागरिकका परिवारलाई सम्पर्क गरिरहेको छ ।
‘ग्यारेज’ भुइँ तल्लामा थियो र पहिलो तल्लामा आप्रवासी मजदुरहरू बस्थे । माल्दिभ्सका विदेश मन्त्री अब्दुल्ला शाहिदले मालेमा भएको आगलागीमा १० आप्रवासी कामदारको ज्यान गएको र धेरै परिवार प्रभावित भएको खबरले आफू “गहिरो दुःखी” भएको बताए ।
