रुसले केही दिनअघि युरोपेली देशहरूलाई ग्यास आपूर्ति कटौती गरेको थियो । यसले विश्वको चौथो ठूलो अर्थतन्त्र जर्मनी र केही अन्य देशहरूमा ग्यासको बारेमा चिन्ता बढाएको छ । यसैलाई ध्यानमा राख्दै जर्मनीका जनतालाई अब ग्यास अभावका लागि तयार रहन भनिएको छ ।
जर्मनीको ऊर्जा नियामक निकायका प्रमुखले शनिबार मानिसहरूलाई ऊर्जा बचत गर्न र ग्यास अभावको लागि तयार रहन आह्वान गरेका छन् । रुसले प्राकृतिक ग्यास आपूर्ति कटौती गर्न सक्ने उनको डर थियो । माग बढेपछि ऊर्जा बचत गरेर जाडोको तयारी गर्नुपर्ने उनको भनाइ छ ।
फेडरल नेटवर्क एजेन्सीका अध्यक्ष क्लाउस मुलरले घर र अपार्टमेन्ट मालिकहरूलाई उनीहरूको ग्यास बोयलर र रेडिएटरहरू जाँच गर्न र उनीहरूको दक्षता अधिकतम बनाउनमा ध्यान दिन आग्रह गरे। ‘उचित मर्मतसम्भारले ग्यासको खपत १०% देखि १५% सम्म घटाउन सकिन्छ,’ ।
यसअघि जर्मनीले रुसमाथि प्राकृतिक ग्यास कटौतीमा आर्थिक आक्रमण गरेको आरोप लगाएको थियो । युरोपियन युनियन (EU) अन्तर्गत दर्जनौं देशहरू रसियाको ग्यास कटौतीसँग नराम्रोसँग संघर्ष गरिरहेका छन् । यी मध्ये, १० देशहरूले उपभोक्ताहरूका लागि चेतावनी जारी गरेका छन् । यो जानकारी ईयूका वातावरणीय मामिला प्रमुख फ्रान्स टिमरम्यान्सले दिएका हुन् ।
