रुसको कामचाटका क्षेत्रमा विमान दुर्घटना भएको छ । यस दुर्घटनामा दुई जनाको ज्यान गएको छ । क्षेत्रीय गभर्नर भ्लादिमिर सोलोडोभले यस दुर्घटनाको जानकारी दिएका छन् । उनले आज कामचाटका क्षेत्रमा एएन–२ एकल इन्जिन भएको विमान दुर्घटना हुँदा दुई जनाको मृत्यु भएको बताए ।
उनले धावनमार्गबाट एक माइलभन्दा कम दूरीमा रहेको कोर्याकी गाउँ नजिकै विमान दुर्घटना भएको बताए ।
सोलोडोभले आफ्नो टेलिग्राम च्यानलमा लेखेका छन्, ‘बोर्डमा चालक दलका दुई सदस्य थिए । आपतकालीन अवस्था मन्त्रालयको प्रारम्भिक जानकारी अनुसार दुर्घटनाका कारण उनको मृत्यु भएको र विमानमा आगो लागेको हो । तर, दुर्घटनाको कारण भने खुल्न सकेको छैन । अहिले दुर्घटनाको अनुसन्धान भइरहेको छ ।
