पाकिस्तानको एक होटलमा अमेरिकी युवतीमाथि सामूहिक बलात्कारको घटना बाहिर आएको छ । प्राप्त जानकारीका अनुसार यी अमेरिकी युवती २१ वर्षकी मात्र हुन् र उनी पर्यटक भिसामा पाकिस्तान आएकी थिइन् । यी युवती विगत ७ महिनादेखि पाकिस्तानमा थिए र ब्लग बनाउन घटनास्थलको भ्रमणमा थिइन् । प्रहरीले मंगलबार सो जानकारी दिएको हो ।
प्रहरीका अनुसार यो घटना जुलाई १७ मा ५०० किलोमिटर टाढा डीजी खान जिल्लाको हिल स्टेशन फोर्ट मुनरोको एउटा होटलमा भएको थियो । यसै क्रममा पीडित युवती आफ्ना सामाजिक सञ्जालका साथी मुजमिल सिप्रा र अजान खोसासँग ब्लग बनाउन आएकी थिइन् । डीजी खानका उपायुक्त अनवर बरियारले अमेरिकी युवती आफ्नो सामाजिक सञ्जाल साथी मुजमल सिप्राको फोनमा कराँचीबाट फोर्ट मुनरो आएको बताए ।
पीडित युवतीले भनिन्, ‘हामी फोर्ट मनरोको एउटा होटलमा बस्यौं । यहाँ दुवैले मलाई सामूहिक बलात्कार गरे र मलाई ब्ल्याकमेल गर्न घटनाको भिडियो पनि बनाए । यस घटनामा सिप्रालाई पक्राउ गरिएको छ भने दोस्रो अभियुक्तलाई पनि पक्राउ गर्न छापा मारिरहेको छ । बालिकाको स्वास्थ्य परीक्षण भइसकेको छ ।
पञ्जाबका मुख्यमन्त्री हम्जा शाहबाज यस मामिलामा निकै सक्रिय देखिन्छन् । उनले यस घटनामा प्रहरीलाई कारबाहीमा लापरवाही नगर्न कडा निर्देशन दिएका छन् । अपराधीलाई कानुन बमोजिम कारबाही हुने उनले बताए ।
