नेभा, २७ पुष,
आज मंगलबार नगर प्रमुख विजय सरावगीको अध्यक्षतामा सामुदायिक माध्यमिक विद्यालय र आधारभुत विद्यालय एवं प्याब्सन, एनप्याब्सनका प्रतिनिधिहरुको उपस्थितिमा बसेको वैठकबाट नयाँ निर्णय जारी भएको छ ।
१२ वर्ष मुनीका सबै विद्यार्थीहरुको भौतिक उपस्थितिमा संचालनमा रहेका विद्यालयहरु अर्को सूचना नआएसम्म स्थगित गर्ने शैक्षिक प्रशासन महाशाखा द्वारा यसै सुचना मार्फत जानकारी गराइएको छ ।
परीक्षा सञ्चालन गर्ने सम्बन्धमा भने माघ ७ गते सम्म विद्यालयमा लिइने परीक्षाहरु परीक्षा तालिका परिमार्जन गरेर भए पनि परीक्षा सम्पन्न गराउन सुचना जारी गरिएको छ ।
विद्यालयमा स्वास्थ्य सुरक्षालाई अपनाई नियमीत रुपमा मास्क, सेनिटाइजर, साबुन पानिले हात धुने, भौतिक दुरी कायम गर्ने र तापक्रम लिने आदि नियमको पालना गर्न गराउन पनि अनुरोध गरिएको छ ।
१२ वर्ष मुनीका सबै विद्यार्थीहरुलाई विद्यालयमा रोक लगाइए पनि त्यो भन्दा माथिको उमेरका विद्यार्थीबारे खुलेर केहि बोलिएको छैन ।
