असार २६ गते विल विजक भन्दा बढी तोरी बोकेको माल बाहक ट्रक बिजयबस्तीबाट चितवनतर्फ जाँदै गरेको छ भन्ने सूचनाको आधारमा प्रहरीले नियन्त्रणमा लिएको छ ।
पर्सा जिल्लाको ठोरी गाँउपालिका वडा नम्बर ३ बिजयबस्ती स्थित सडकखण्डमा ना.५ ख ५८४७ नम्बरको ट्रकलाई रोकी जाँच गर्ने क्रममा विल विजक भन्दा बढी तोरी लोड रहेको तथा सो विल विजक संकास्पद देखिएको हुँदा अन्दाजी मूल्य रू. ९ लाख बराबरको तोरी नियन्त्रणमा लिइएको हो ।
उक्त ट्रकलाई नियन्त्रणमा लिई थप अनुसन्धान तथा आवश्यक कारवाहीको लागि असार २७ गते राजश्व अनुसन्धान कार्यालय पथलैया, बारामा बुझाइएको कुरा जिल्ला प्रहरी कार्यालय, पर्साले जनाएको छ ।
