भक्तपुर सुर्यविनायक नगरपालिका वडा नम्बर ८ स्थित अस्थाई प्रहरी पोष्ट आशापुरीबाट खटिएको प्रहरी गस्ती टोलिले सवारी साधन चेक जाँच गर्ने क्रममा एकजना खसी चोरी गर्ने व्यक्तिलाई नियन्त्रणमा लिएको छ ।
जिल्ला काभ्रेपलाञ्चोकबाट आशापुरी तर्फ जादै गरेको बा.७० प. ६५२५ नम्बरको स्कुटर रोकी चेक जाच गर्दा काभ्रेपलाञ्चोकको बनेपा नगरपालिका वडा नम्बर ८ नयाँ बस्ती बस्ने ५७ वर्षको जुजुकाजी सिफरलाई उक्त स्कुटर सहित प्रहरीले पक्राउ गरेको हो ।
निजले उक्त स्कुटरमा सेतो रंगको खसी राखी ल्याएको देखी सोध पुछ गर्दा उक्त खसी काभ्रेपलाञ्चोक जिल्ला पनौती नगरपालिका वडा नम्बर ३ तिनखुट्टे स्थित बस्ने रुद्र प्रसाद सापकोटाको थियो ।
घर गोठमा बाधि राखेको स्थानबाट चोरी गरी ल्याएको बुझिएकोले निजलाई नियन्त्रणमा लिई जेठ ९ गते चोरी कुसुरमा काभ्रेपलाञ्चोक जिल्ला, अदालतबाट म्याद थप भई थप अनुसन्धान भैईरहेको कुरा इलाका प्रहरी कार्यालय, बनेपाले जनाएको छ ।
कोही कसैको खसी बोकाहरु हराएको र निज व्यक्तिले चोरी गरेको शंका लागेमा निजलाई पहिचान गर्न सक्ने कोही हुनु हुन्छ भने इलाका प्रहरी कार्यालय बनेपा काभ्रेपलाञ्चोकमा आउनहुन वा यो ९८५१२८२९१३, ९८५१२००२९९ र ९८५१२५४५३१ नम्बरमा सम्पर्क गर्न प्रहरीले अनुरोध गरेको छ ।
