चैत १३ गते अस्थाई प्रहरी पोष्ट बेलबासबाट गस्ति खटिएको प्रहरी सहायक निरिक्षक सहितको गस्ती टोलीले गस्ती गर्दै जाने क्रममा बेवारीसे अवस्थामा भरुवा बन्दुकहरु फेला परेको छ ।
जिल्ला, पाल्पा रैनादेवी छहरा गाउँपालिका वडा नम्बर ७ ढावा स्थितमा रहेको भोर्लेघाट सामुदायिक जंगलमा १ नाले भरुवा बन्दुक २ थान, छर्रा र बारुद सहितको झोला १ थान फेला परेको थियो ।
सोहि समयमा जिल्ला, पाल्पा रैनादेवी छहरा गाउँपालिका वडा नम्बर ७ ढावानाके स्थित चन्द्राकार सामुदायिक वनमा ढुङ्गा मुनि लुकाई छिपाई राखेको अवस्थामा १ नाले भरुवा बन्दुक ३ थान, छर्रा र बारुद सहित गरी जम्मा ५ थान भरुवा बन्दुक बेवारीसे अवस्थामा फेला परेको थियो ।
उक्त बन्दुकहरु बरामद गरी जिल्ला प्रहरी कार्यालय, पाल्पामा ल्याई आवश्यक अनुसन्धान कार्य भइरहेको कुरा जिल्ला प्रहरी कार्यालय, पाल्पाले जनाएको छ ।
