सुनसरीको ईटहरी उपमहानगरपालिका वडा नम्बर १० स्थित कोशी लोकमार्गमा सवारी दुर्घटना हुँदा एकजनाको मृत्यु भएको छ ।
ईटहरीबाट बिराटनगर तर्फ आउदै गरेको मे. १ ख २७३४ नम्बरको बस र बिपरित दिशातर्फ जादै गरेको को. २९ प ४७६७ नम्बरको मोटरसाईकल एक आपसमा ठक्कर लागि दुर्घटना भएको थियो ।
उक्त दुर्घटनामा मोटरसाईकल चालक ईटहरी वडा नम्बर ५ का ३७ वर्षको भोज कुमार श्रेष्ठको उपचारको क्रममा कोशी अस्पताल बिराटनगरमा मृत्यु भएको थियो ।
घटनामा संलग्न बस र चालक ५९ वर्षीय बद्री नारायण पाण्डेलाई इलाका प्रहरी कार्यालय, ईटहरीले नियन्त्रणमा लिई थप अनुसन्धान गरीरहेको कुरा कोशी प्रदेश प्रहरी कार्यालय बिराटनगरले जनाएको छ ।
