पौष २२ गते सुराकीले दिएको विशेष सूचनाको आधारमा Fly Dubai एयरलाइन्सको उडानद्वारा दुवईबाट काठमाण्डौं आगमन भएका यात्रु श्रीलंकन नागरिक ४५ वर्षकी KANTHYMATHY KAVASKAR महिलालाई पक्राउ गरिएको छ ।
त्रिभुवन अन्तर्राष्ट्रिय विमानस्थलको आगमन टनेल गेटमा नियन्त्रणमा लिई शरिर खानतलासी गर्ने क्रममा निजले लगाई आएको भित्री बस्त्र ब्राको दुई तर्फ फल्स बटम बनाई सुन धातुको अर्ध ठोस बस्तु पोका २ थान फेला परेको थियो ।
निजले लगाई आएको भित्र लगाउने कट्टु समेत शंकास्पद देखिएकोले आवश्यक अनुसन्धान एवं कारबाहीको लागि उक्त युवतीलाई २३ गते त्रिभुवन विमानस्थल भन्सार कार्यालय, गौचरमा बुझाइएको छ ।
नेपाल राष्ट्र बैंकद्वारा परीक्षण गर्दा अर्ध ठोस बस्तु र कट्टुको कुल तौल १ किलो २६९ ग्राम र गलाए पछि सुन ८३२ ग्राम रहेको खुल्न आएको कुरा त्रिभुवन अन्तर्राष्ट्रिय विमानस्थलको सुरक्षा प्रहरीले जनाएको छ ।
