इंग्ल्याण्डको बन्दरगाह सहर हल मा बस्ने १६ वर्षीया लैलाको डिसेम्बर १३ मा दुःखद निधन भएपनि कारण अहिले कारण बाहिर आएको छ ।
महिनावारीको दुखाईबाट ग्रसित हुँदा साथीको सल्लाहमा पीडा कम गर्न औषधि सेवन गरेको उनको परिवारले जनाएको छ ।
उनको अवस्था बिग्रँदै गयो र करिब ३ हप्तापछि मस्तिष्कमा रगत जमेको कारण उनको मृत्यु भयो ।
तर, उपचारका लागि प्रयास गर्दा सुरुमा आकस्मिक अवस्था नभएको र अस्पताल पुग्दा डाक्टरले पेटमा कीरा भएको आशंकामा केही औषधि दिएको परिवारले बताएको छ ।
मेट्रो समाचारका अनुसार लैला खान स्थानीय कलेजमा पढ्दै थिइन् । दुखाइका कारण उनले औषधि सेवन गरेपछि उनको स्वास्थ्य बिग्रन थाल्यो ।
बालिका लैला खानका परिवारका अनुसार टाउको दुखेपछि उनलाई बान्ता हुन थाल्यो । उनी बिरामी भइन् र लगातार वान्ता गरिरहेकी थिइन् । लैलाकी काकी जेना ब्रेथवेटले भनिन् कि उनी पीडाले चिच्याएकी थिइन् र शरीर दुखेको गुनासो गरिरहेकी थिइन् ।
लैलाको अवस्था बिग्रिएपछि उनलाई अस्पताल लगियो । डाक्टरले जाँच गर्दा उनको मस्तिष्कमा रगत जमेको पाइएको थियो । त्यसपछि उनलाई अर्को अस्पतालमा पठाएर शल्यक्रिया गरिएको थियो । जहाँ दोस्रो दिन उनलाई ब्रेन डेड घोषणा गरियो ।
