जिल्ला कास्की, पोखरा महानगरपालिका वडा नम्बर १० औधोगिक क्षेत्र स्थित पृथ्वी राजमार्गमा पोखरादेखि काठमाडौंतर्फ जाँदै गरेको ना ५ ख २११३ नम्बरको यात्रुवाहक बसले बाटोमा हिडिरहेको गाईलाई ठक्कर दिंदा उक्त गाईको घटनास्थलमानै मृत्यु भएको थियो ।
ठक्कर दिने सवारी साधन भागी फरार रहेको भन्ने सूचनाको आधारमा जिल्ला प्रहरी कार्यालय कास्की, मातहत प्रहरी कार्यालय र अन्य कार्यालयहरुबाट समेत खोजतलास गर्दै जाँदा जिल्ला तनहुँ शुक्लागण्डकी नगरपालिका वडा नम्बर ३ बस्ने २८ वर्षको रोशन ठकुरीलाई प्रहरीले पक्राउ गरेको छ ।
निजलाई पक्राउ गरी सम्मानित कास्की जिल्ला अदालतबाट पशुपंक्षी सम्बन्धी मुद्दामा म्याद थप गरी अनुसन्धान प्रकृया अगाडी बढाइएको खबर जिल्ला प्रहरी कार्यालय, कास्कीले दिएको छ ।
