सामाजिक संजाल फेसबुक, टिकटक, इन्स्टाग्रामको मार्केटमा फेसबुक पेजमा Term Electric Gadgets नाम राखी सस्तोमा Iphone 12 pro र Iphone 13 pro जस्ता मोबाईलहरु बिक्रिमा राखेर ठगि गर्ने व्यक्तिलाई प्रहरीले पक्राउ गरेको छ ।
निवेदकहरुसँग Online मा च्याट गरी लगानी गर्न लगाएर गिफ्ट दिने प्रलोभन र मोबाईल बिक्रीको झुठो विज्ञापन राखी आश्वासन दिई पिडितहरुलाई डेलिभरीको सामान आईपुगेको छ र तपाईले कस्टम चार्ज, डेलीभरी चार्ज र ईन्सुरेन्स चार्ज जस्ता बिभिन्न प्रयोजनमा रकम तिर्नु पर्छ भनी पिडितलाई बिश्वास दिलाई बिभिन्न व्यक्तिहरुको नाममा रहेको बैंक खातामा जम्मा रु ८ लाख ४ हजार ९ सय ८५ मात्र रकम पठाउन लगाई लिई ठगी गरेकोले ठगी कार्यमा संग्लन जिल्ला बाँके कोहलपुर नगरपालिका वडा नम्बर ७ मा स्थायी घर भएका २५ बर्षको रमेश श्रेष्ठलाई पक्राउ परेको छ ।
निजलाई प्रचलित कानुन बमोजिम ठगी सम्बन्धी कसुरमा आवश्यक कारवाहीको लागी जिल्ला प्रहरी परिसर टेकु पठाईएको खबर प्रवक्ता, सूचना अधिकारी तथा प्रहरी उपरीक्षक रविन्द्र रेग्मीले जानकारी दिएका छन् ।
