इजरायल र प्यालेस्टाइनबीचको तनावको केन्द्र बनेको वेस्ट बैंकबाट फेरि एकपटक हृदयविदारक खबर आएको छ । प्यालेस्टिनी र इजरायली सुरक्षा स्रोतका अनुसार वेस्ट बैंकमा प्यालेस्टिनी बन्दुकधारीले गोली चलाउँदा कम्तीमा २ इजरायली घाइते भएका छन् । मङ्गलबार नाब्लस सहरको हुवारा गाउँमा भएको आक्रमणपछि क्षेत्रमा तनाव फैलिएको छ ।
इजरायलको आपतकालीन चिकित्सा सेवा ‘मगेन डेभिड एडोम’ले बन्दुकधारीले गाडीमा अन्धाधुन्ध गोली चलाउँदा दुई इजरायली घाइते भएको बताएको छ ।
म्यागेन डेभिड एडोमले दुई घाइतेको घटनास्थलमा उपचार भइरहेको र खतरामा नरहेको बताए । इजरायली मिडियाका अनुसार बन्दुकधारी घटनास्थलबाट कारमा भागेका थिए । प्यालेस्टाइनी स्रोतहरूले पुष्टि गरे कि इजरायली सेनाले हुवारा गाउँमा सेना तैनाथ गरेको छ र गोलीबारी पछि नाब्लसको चेकपोस्टहरू बन्द गरेको छ ।
