हास्यकलाकार तथा अभिनेता कपिल शर्मा अभिनित फिल्म ‘ज्विगाटो’ मार्च १७ मा रिलिज भएको छ । नन्दिता दासले निर्देशन गरेको यस फिल्ममा कपिल शर्मा एक डिलिवरी ब्वाई मानसको भूमिकामा छन् जसले आफ्नो परिवारको हेरचाह गर्न धेरै संघर्ष गर्छन् । ट्रेलर रिलिज भएदेखि नै दर्शक फिल्मको प्रतिक्षामा थिए तर उनीहरुका अनुसार फिल्मको ओपनिङ डे कलेक्सन खासै हुन सकेको छैन । फिल्ममा कमेडियन तथा अभिनेता कपिल शर्मासँगै शाहना गोस्वामी मुख्य भूमिकामा देखिएकी छिन ।
‘ज्विगाटो’ ले उद्घाटन दिनमै दर्शकबाट राम्रो प्रतिक्रिया पाएको छैन । ट्रेन्ड एनालिस्ट तरण आदर्शले आफ्नो ट्विटमा फिल्मले कुल ४२ लाखको व्यापार गरेको बताएका छन् । तरण आदर्शले ट्विटमा लेखेका छन्, ‘फिल्म ज्विगाटो सीमित ४०९ स्क्रिनमा रिलिज भएको छ र पहिलो दिन सुस्त स्कोर ल्याएको छ । यो हप्तामा राम्रो कमाइ गर्ने अपेक्षा गरिएको छ, शुक्रबार फिल्मले ४२ लाख कमाएको छ ।
