आइए, बिए गरें एमए गरें पास,

डिग्रीले मात्र भएन केही चाहियो खास ।

जागिर त्यती सस्तो छैन पाउछौं छिटो,

ठेट नियम बुझिहाल मुख पारी देउ मिठो ।।

के चाहियो कुन पद ? जागिर पाउदैनौ भने,

हुने भयौ हाकिम नोट मात्र गन्यौ भने ।

लिखित पास गरे पनि मौखिकमा फेल,

हाथि छाप भए मात्र जितिएला यो खेल ।।

इमान्दारी त छोडी सकें भनेर भएन हजुर,

भुँडी ठूलो भइसके खुवाउनै पर्छ खजुर ।

खल्ती गरम भएन भने के महत्व जागिरको ?

खाएर मोटाएन भने के महत्व खिरको ?

कर्तब्य त बिर्से इमान्दारीलाई गोजीमा,

जागिर त बहाना मात्र म त घाँसको खोजीमा ।

धर्म पुन्य सबै घुसकै परिधि भित्र,

न चाख्नेले भन्छ स्वादिलो छैन भनेर ।।

जुत्ता टाउकोमा परेपनि मोटाउने त भइयो ।

देश जाओस  भाँडमा माना मुरी त कमाइयो ।।

– बीरेन्द्र साह केसरी

बुनियाद – ४, बारा