भोआ, ६ अगहन,

फीफा फुटबॉल वर्ल्ड कप 2022 विजेता टीम के कप्तान लियोनल मेसी के टूर्नामेंट में पहिनल गइल 6 जर्सी नीलाम कइल जाई । मेसी के फाइनल में पहिनल गइल जर्सी के 83 करोड़ मिले के उम्मीद बा ।

एकरा पहिले माराडोना के हैंड ऑफ जर्सी 2022 में नीलामी में 74.14 करोड़ में बिकल रहे । जवन कवनो फुटबॉल खिलाड़ी के सबसे महंगा बिके वाला जर्सी रहे । लियोनल मेसी के जर्सी के नीलामी न्यूयॉर्क में सोथबी करी ।

सोथबी सोमार के कहलस कि ऊ अर्जेंटीना के कप्तान लियोनेल के कतर में पहिनल गइल सात जर्सियन में से छव के न्यूयार्क में बिक्री खातिर रखले रहे । एमे ऊ जर्सियो सामिल रहे, जवन ऊ फ्रांस के खिलाफ फाइनल में ऐतिहासिक जीत के दौरान पहिनले रहस । मेसी टूर्नामेंट में सब 7 मैच खेलले रहस । उनकर 3 लीग मैचन में पहिनल गइल एगो जर्सी नीलामी में सामिल नइखे । काहेकि ऊ ऑस्ट्रेलिया के सदस्य कैमरन डेवलिन के संगे जर्सी के अदला-बदला कइले रहस ।