फागुन १८ गते जिल्ला बाँके, बैजनाथ गाँउपालिका वडा नम्बर ५ स्थित बनकट्टी देखि जिगाँउ जाने भित्री पक्की बाटो किनारामा जिल्ला बर्दिया, बारबर्दिया नगरपालिका वडा नम्बर ९ बनगाई बस्ने २७ वर्षकी उर्मिला चौधरीको शव फेला परेको थियो ।
उक्त घटनाको प्रारम्भिक अनुसन्धानको क्रममा घटना कर्तव्य गरी मारेको हुनसक्ने देखिएकोले सुक्ष्म रूपमा अनुसन्धान गर्दा निज उर्मिला चौधरीको हत्या गर्ने व्यक्तिलाई प्रहरीले नियन्त्रणमा लिएको छ ।
जिल्ला बाँके कोहलपुर नगरपालिका वडा नम्बर २ मुक्तिनगर बस्ने ४५ वर्षको राम सिंह थारुले फागुन १७ गते घाटी थिची मारेको खुल्न आएको हुँदा निजलाई प्रहरीले नियन्त्रणमा लिएको छ ।
निज राम सिंह थारुलाई नियन्त्रणमा लिई अनुसन्धान भइरहेको कुरा इलाका प्रहरी कार्यालय कोहलपुरले जनाएको छ ।
