इजिप्टको उत्तरी भागबाट डरलाग्दो खबर बाहिर आएको छ । यहाँ एउटा बस नहरमा खस्दा २२ जनाको मृत्यु भएको छ भने सात जना घाइते भएका छन्, रोयटर्सले स्वास्थ्य मन्त्रालयलाई उद्धृत गर्दै जनाएको छ । यस सम्बन्धमा मन्त्रालयबाट सबै घाइतेलाई अस्पताल भर्ना गर्ने काम सुरु भएको बताइएको छ । यसै क्रममा उद्धारकर्मी पनि घटनास्थलमा जम्मा भएका छन् । घटना कायरोको उत्तरमा पर्ने डाकाहलिया प्रान्तमा भएको हो ।
मिडिया रिपोर्टका अनुसार ३५ यात्रु बोकेको बस अचानक राजमार्गमा खसेको थियो । डकाहलिया प्रान्तको आगा सहरमा रहेको मन्सौरिया नहरमा खसेको थियो । घटनाको जानकारी पाएलगत्तै प्रहरी र १८ एम्बुलेन्स घटनास्थलमा पुगेर उद्धार कार्य थालेका छन् । घटनामा घाइते भएका सबैको अहिले अस्पतालमा उपचार भइरहेको छ ।
मृत्यु हुनेमा ६ महिला र तीन बालबालिका रहेको स्वास्थ्य मन्त्रालयका अधिकारी डा. शेरिफ माकनले जानकारी दिए । इजिप्टका सञ्चारमाध्यमहरूले दुर्घटनाको कारण स्टेयरिङ असफल भएको बताएका छन् ।
