दुबईको विश्वकै अग्लो भवन बुर्ज खलिफा नजिकै रहेको ३५ तले भवनमा सोमबार बिहान आगलागी भएको छ । यद्यपी खबर प्राप्त हुँदासम्म यस दुर्घटनामा कुनै मानवीय क्षतिको खबर प्राप्त भएको छैन । आगो नियन्त्रणमा आएको छ । तर यो घटनाको भिडियो सामाजिक सञ्जालमा भाइरल भइरहेको छ । भवनमा भएको आगलागीको भिडियो हेर्दा ठूलो मैनबत्ती बलेको जस्तो देखिन्छ ।
प्रत्येक तल्लाको बालकनीबाट आगो देखिन्छ । आगो निभिएपछि भवनमा कालो दाग देखिन्छ । यो भवन UAE सरकार द्वारा समर्थित Emaar Developers द्वारा निर्मित 8 Boulevard Walk भनिने टावरहरूको श्रृंखलाको एक हिस्सा हो ।
दुबई प्रहरी र सिभिल डिफेन्सले आगलागी भएको तत्काल स्वीकार गरेका छैनन् । इमार डेभलपर्सले पनि यस विषयमा कुनै प्रतिक्रिया दिएको छैन र न त दुबई मिडिया अफिसले यसबारे कुनै प्रतिक्रिया दिएको छ । सन् २०१५ मा दुबईमा नयाँ वर्षको पूर्वसन्ध्यामा बुर्ज खलिफा नजिकैको ‘एड्रेस डाउनटाउन’ मा आगलागी भएको थियो ।
यसै क्रममा इराकको राजधानी बगदादको एक व्यावसायिक भवनमा पनि ठूलो आगलागी भएको छ । यसमा २८ जनाभन्दा बढी जलेको पुष्टि भएको छ । अन्तर्राष्ट्रिय सञ्चारमाध्यमका अनुसार दुबईको बुर्ज खलिफा नजिकै लागेको आगो नियन्त्रणमा आएको छ ।
