राखी सावन्तलाई ‘ड्रामा क्वीन’ भनिन्छ र उनी प्रायः आफ्नो विवाह र श्रीमानलाई लिएर चर्चामा रहन्छिन् । उनले रितेश नामका व्यक्तिसँग विवाह गरेकी थिइन् तर अहिले उनीहरुको विवाह टुटेको छ । रितेशले उनलाई अचानक छोडेर भागेको राखी आफैले बताएकी छिन् । राखीले आफ्नो वैवाहिक सम्बन्ध टुटेकोमा दुःख व्यक्त गर्दै सम्बन्धका केही कुरा पनि बताएकी छिन् ।
टाइम्स अफ इन्डियासँगको कुराकानीमा राखीले भनिन्, ‘उनी रितेश मलाई छोडेर गए । म उसलाई धेरै माया गर्थे तर उसले मलाई छोडेर गयो । बिग बोस पछि हामी मुम्बईको मेरो घरमा सँगै बसेका थियौं तर एक दिन अचानक रितेशले सामानहरू प्याक गरे र छोडे ।
यसै क्रममा राखीले यो पनि बताइन् कि रितेशले आफ्नी पहिलो श्रीमतीसँग सम्बन्धविच्छेद नगरेका कारण केही कानुनी समस्यामा फसेको छ । त्यही भएर ऊ मसँग बस्न चाहँदैनथ्यो । यस क्रममा रितेशलाई व्यापार घाटा पनि परेको छ, जसका कारण उनी निराश छन् ।
राखीले आफ्ना फ्यान र शुभचिन्तकहरूका लागि एक पोस्ट पनि सेयर गरेकी छिन् । राखीले लेखेकी छिन्, रितेश र मैले अलग हुने निर्णय गरेका छौं । बिग बोसबाट बाहिरिएपछि मसँग धेरै कुराहरू भएका छन् र यो मेरो नियन्त्रण बाहिर छ । हामीले धेरै प्रयास गर्यौं तर सफल हुन सकेनौं । त्यसैले अब हामी छुट्टै बसेर जीवनको आनन्द लिनेछौं ।
