युक्रेनको नेसनल गार्डका एक सदस्यले बिहीबार आफ्ना सहकर्मीमाथि गोली चलाउँदा पाँच जनाको मृत्यु हुनुका साथै पाँच जना घाइते भएका छन् ।
यसबारे जानकारी दिँदै युक्रेनको आन्तरिक मन्त्रालयले गोली चलाउने सिपाहीलाई प्रहरीले नियन्त्रणमा लिएको तर उनको मनसाय भने खुल्न नसकेको बताएको छ ।
देशको राजधानी किभबाट ५०० किलोमिटर दक्षिणपूर्वमा रहेको निप्रो सहरमा बिहीबार बिहान यो घटना भएको हो ।
आक्रमणकारी २० वर्षीय आर्तेमी र्याबचुकको रूपमा पहिचान गरिएको छ, जो ड्यूटीमा थिए र आफ्ना सहकर्मीहरूलाई गोली हानेपछि तुरुन्तै घटनास्थलबाट भागेका थिए ।
यस घटनामा ४ सैनिक र एक सर्वसाधारणको ज्यान गएको थियो भने ५ जना घाइते भएका थिए । गोली लागेपछि प्रहरीले र्याबचुकलाई नियन्त्रणमा लिएको छ । राष्ट्रपति भोलोडिमिर जेलेन्स्कीले अधिकारीहरूलाई घटनाको विस्तृत अनुसन्धान गर्न निर्देशन दिएका छन् ।
