दर्शकले आज बलिउड र टिभीका चर्चित अभिनेता शिवाजी साटमलाई उनको वास्तविक नामले नभई एसीपी प्रद्युमनको नामले पनि चिन्छन् । टिभी सिरियल ‘सिआइडी’ मा एसीपी प्रद्युम्नको भूमिका निर्वाह गरेर २३ वर्षदेखि फ्यानको मनमा राज गर्दै आएका छन् ।
सिआइडी बाहेक शिवाजी साटमले वास्तव, नायक, सूर्यवंशम जस्ता धेरै हिट फिल्महरूमा आफ्नो उत्कृष्ट अभिनयले दर्शकहरूलाई चकित पारेका छन् । तर, साँचो अर्थमा उनले एसीपी प्रद्युम्नको चरित्रबाट नै पहिचान पाए । तर आज एसीपी प्रद्युम्न अर्थात् शिवाजी साटमसँग काम छैन । अभिनेता आफैंले हालै आफ्नो अन्तर्वार्तामा यसको खुलासा गरेका छन् ।
एसीपी प्रद्युम्न अर्थात् शिवाजी साटमले हालै हिन्दुस्तान टाइम्सलाई दिएको अन्तर्वार्तामा आफूसँग काम नभएको खुलासा गर्दै आफ्नो समस्या सुनाए । शिवजीले अन्तर्वार्तामा भने, मैले ठूलो काम पाइरहेको छु भन्न सक्दिन । मलाई आएका सानोतिनो रोल खास केही होइनन् । म मराठी थिएटरबाट आएको हुँ र मैले मेरो जीवनका ती परियोजनाहरूमा मात्र काम गरेको छु जुन मलाई राम्रो लाग्छ । उनले फेरीभने, ‘म काम नपाउँदा घरमै बसेर बोर हुन बाध्य छु । त्यतिबेला एक अभिनेताको हैसियतले म आफ्नो कामलाई मिस गरिरहेको छु र आज पनि दर्शकले राम्रो काम र राम्रो कलाकारलाई मिस गर्छन् । आज जुनसुकै सानो काम पाए पनि प्रहरी अधिकारीको भूमिका पाइरहेको छु । तर अब म त्यस्तो भूमिका गर्न चाहन्न, जुन २० वर्षदेखि गर्दै आएको छु ।
