असार २८ गते चितवन जिल्लाको भरतपुर महानगरपालिका वडा नम्बर २९ नारायणगढ मुग्लिङ सडकखण्डको सिमलताल स्थितमा बीरगञ्जबाट काठमाण्डौतर्फ जाँदै गरेका यात्रुवाहक बस दुर्घटनामा परेको थियो ।
बा.प्र.०३-००६ख १५१६ नम्बरको यात्रुवाहक एन्जल डिलक्स बस अबिरल वर्षा तथा पहिरोका कारण दुर्घटना भइ उक्त बसमा सवार यात्रीहरू त्रिसुली नदीमा खसी वेपता भएका थिए ।
बेपत्ता भएकाहरु मध्ये अहिले सम्म दुईजना मात्र मृत अवस्थामा फेला परेको कुरा जिल्ला प्रहरी कार्यालय, पर्साले जनाएको छ ।
भारत बस्ने सजाद अन्सारी चितवन जिल्लाको गैडाकोट नगरपालिका वडा नम्बर ७ गैरी स्थित नारायणी नदीको किनारमा मृत फेला परेका थिए ।
चितवन जिल्लाको माडी नगरपालिका वडा नम्बर १ बस्ने बिकाश परियार गैडाकोट नगरपालिका वडा नम्बर ७ गैरी स्थित नारायणी नदीको किनारमा मृत फेला परेका थिए ।
