असार १७ गते जिल्ला प्रहरी कार्यालय, बाँकेबाट खटिएको प्रहरी टोलीले बाँके जिल्लाको नेपालगंज उपमहानगरपालिका वडा नम्बर २ न्युरोड भानुभक्त चोक स्थित सोनी गुप्ताले आफ्नै घरमा भारतबाट अवैध रुपमा भन्सार छलि गरी ल्याइ भण्डारण गरी राखेको कपडाहरु प्रहरीले नियन्त्रणमा लिएको छ ।
कुर्ता सुरुवाल ४ हजार २ सय ७४ पिस अन्दाजी मुल्य रु. ३४ लाख १९ हजार २ सय र साडी ८ सय ४० पिस अन्दाजी मुल्य रु. ४ लाख २० हजार बराबरको थियो ।
उक्त कपडाहरुको जोड मूल्य अन्दाजी रु. ३८ लाख ३९ हजार २ सय बराबरको सामानहरु बरामद गरी निज ब्यक्ति सहित आवश्यक कारबाहीको लागि भन्सार कार्यालय नेपालगंज बाँकेमा बुझाईएको कुरा जिल्ला प्रहरी कार्यालय, बाँकेले जनाएको छ ।
