नेभा, भोजपुर, २९ चैत,

भोजपुरको आमचौक गाउँपालिका वडा नम्बर १० स्थितमा दुधकोशी नदीमा पौडी खेल्ने क्रममा डुबेर २ जना व्यक्तिहरुको मृत्यु भएको छ ।

हिजो आमचोक वडा नम्बर ६ देवानटारका २० वर्षको सुदिप दर्जी र १८ वर्षीय अजय राईको दुधकोशी नदीमा पौडी खेल्ने क्रममा डुबी मृत्यु भएको थियो ।

खबर प्राप्त भएसँगै घटनास्थलमा इलाका प्रहरी कार्यालय, घोडेटारबाट प्रहरीको टोली खटिगई सम्पुर्ण कानुनि प्रकृया पश्चात शवलाई पोष्टमाटमको लागि धरान घोपा पठाईएको थियो ।

घटनाको सम्बन्धमा थप अनुनस्धान भइरहेको कुरा कोशी प्रदेश प्रहरी कार्यालय, बिराटनगरले जनाएको छ ।