कर्यव्य ज्यान मुद्दामा जन्म कैद सजाय भएका ३ जना फरार प्रतिवादीलाई १६ वर्ष पछी प्रहरीले पक्राउ गरेको छ ।
पक्राउ पर्नेमा मोरङको मिक्लाजुङ गाउँपालिका वडा नम्बर १ को ४८ वर्षीय जित बहादुर राई, ४१ वर्षीय गंगा भन्ने ज्ञान बहादुर राई र ४० वर्षीय लक्ष्मण राई रहेका छन् ।
इलाका प्रहरी कार्यालय, उर्लावारीबाट खटिएको प्रहरी टोलीले मिक्लाजुङ गाउँपालिका वडा नम्बर १ र झापाको काँकरभिट्टाबाट पक्राउ गरेको छ ।
उनिहरुले साल २०६४ जेठ २० गते राती सोहि स्थान बस्ने हर्कराज राईको घर पैँचोमा विवाद हुँदा ३८ वर्षीय सन्तोष राईलाई लाठ्ठी, भाटाले कुटपिट गरी हत्या गरेको र हत्या पश्चात शवलाई केमुना भंज्याङको जंगलमा खाल्डो खनि पुरेका थिए ।
उक्त घटनामा पक्राउ परेका निजहरुको मोरङ जिल्ला, अदालतबाट कर्तव्य ज्यान मुद्दामा जन्म कैदको सजाय भई फरार रहेका थिए ।
पक्राउ परेका निजहरुलाई जिल्ला अदालत, मोरङमा उपस्थित गराइएको कुरा कोशी प्रदेश प्रहरी कार्यालय, विराटनगरले जनाएको छ ।
