दक्षिणी अफगानिस्तानमा ठूलो सडक दुर्घटना भएको छ । मोटरसाइकल बससँग ठोक्किएपछि दुर्घटनामा कम्तीमा २१ जना यात्रुको मृत्यु भएको छ ।
मोटरसाइकलको टक्करमा बस कसरी टुक्रिन्छ भनेर सुनेर तपाईँ पनि चकित हुनुहुनेछ । वास्तवमा मोटरसाइकलमा ठोक्किएपछि बस नियन्त्रण बाहिर गयो र नजिकै पार्क गरिएको ट्याङ्करसँग ठोक्कियो । यसै क्रममा बसमा विस्फोट भएको थियो ।
दुर्घटनामा कम्तीमा २१ जनाको मृत्यु भएको छ भने ३८ जना घाइते भएका छन् । यो जानकारी यातायात मन्त्रालय अफगानिस्तानले दिएको हो ।
दक्षिणी कान्दाहार र पश्चिमी हेरात प्रान्तहरू बिचको मुख्य राजमार्गमा रहेको हेल्मन्ड प्रान्तको गेरास्क जिल्लामा दुर्घटना भएको हेल्मन्ड विभागको विज्ञप्तिमा भनिएको छ ।
हेलमन्डका ट्राफिक अधिकारी कदरतुल्लाहले एक मोटरसाइकल चालकले आफ्नो गाडीसहित यात्रु बससँग ठोक्किएको बताएका थिए ।
