बिल बिजक भन्दा बढी चुकुन्दर बोकेको माल बाहक पिकअप वीरगञ्जबाट काठमाण्डौतर्फ जाँदै गरेको अवस्थामा नियन्त्रणमा लिइएको छ ।
सूचनाको आधारमा जिल्ला पर्सा, वीरगञ्ज महानगरपालिका वडा नम्बर १४ गण्डक चोक स्थित सडकखण्डमा प्रदेश ३-०१-०२४ च ३५८९ नम्बरको मालवाहक पिकअपलाई रोकी जाँच गर्ने क्रममा बिल बिजक भन्दा बढी चुकुन्दर लोड रहेको तथा सो बिल बिजक संकास्पद देखिएको हुँदा नियन्त्रणमा लिइएको छ ।
उक्त नम्बरको पिकअप भित्र अन्दाजी रू. ३४ हजार ८ सय बराबरको चुकुन्दर थियो । नियन्त्रणमा लिई थप अनुसन्धान तथा आवश्यक कारवाहीको लागि आज राजश्व अनुसन्धान कार्यालय पथलैया, बारामा बुझाइएको प्रहरी नायब उपरीक्षक कुमार बिक्रम थापाले जनाएका छन् ।
