क्रिकेटर सन्दिप लामिछानेलाई काठमाडौं जिल्ला अदालतबाट ८ वर्ष जेल सजाय तोकिएको छ । सन्दिपलाई जेल सजाय र ५ लाख जरिवाना गर्ने अदालतले फैसला गरेको हो ।
पीडितलाई परेको मानसिक असर समेतलाई ध्यानमा राख्दै निज लामिछानेलाई मुलुकी अपराध २०७४ को दफा २१९ (३) बमाजिम ८ वर्षको कैद सजाय तोकिएको छ ।
सन्दीपले पीडितको कमजोर आर्थिक अवस्थाको फाइदा उठाएर बलात्कार गरेको कुरा जिल्ला अदालतको ठहर छ । पौष १३ गते नै अदालतले सन्दीपलाई करणीमा दोषी ठहर गरेको थियो ।
