नेभा, नाइजेरिया, १० पुष,

मध्य नाइजेरियामा सशस्त्र समूहले गरेको आक्रमणमा १६० जनाको मृत्यु भएको छ ।

यो आक्रमण शनिबार र आइतबार भएको हो ।

पठार, मध्य नाइजेरियामा नाइजेरियाको यो क्षेत्र धार्मिक र जातीय तनावले ग्रसित छ । यहाँ लगातार किसान र गोठालाबीच झडप हुने गरेको छ । यसअघि मे महिनामा पनि यहाँ हिंसाका घटनामा एक सयभन्दा बढीको ज्यान गएको थियो ।

यसअघि नाइजेरियाली सेनालाई उद्धृत गर्दै सञ्चारमाध्यमहरूले उक्त आक्रमणमा १६ जनाको ज्यान गएको बताइएको थियो ।

तर पछि 160 जनाको मृत्यु भएको पुष्टि भएको छ । पठार राज्यका एक वरिष्ठ अधिकारीले शनिबार र आइतवारका यी नियोजित आक्रमणमा १ सय ६० जनाको ज्यान गएको बताएका छन् ।