तेज गरमी के चलते कुछ खाद्य पदार्थ के खराब होखे से बचावल बहुत मुश्किल हो जाला । गरमी में फ्रिज में दही रखला के बाद भी मात्र एक-दू दिन में खट्टा होखे लागेला । अगर रउआ भी बार-बार एह समस्या के सामना कर रहल बानी त आज हमनी के एह समस्या के कुछ समाधान के बारे में बतावे जा रहल बानी जा ।
अक्सर लोग खाद्य सामग्री के ठीक से स्टोर ना करेले जवना के चलते खाद्य पदार्थ लंबा समय ले ना चलेला आ खराब हो जाला । अगर रउआ दही के सही तरीका से संग्रहित करीं त उह बहुत दिन ले ताजा रह सकत बा । दही के भंडारण के कुछ सही तरीका के बारे में नीचे देहल बा उहो पढी ।
जवना बर्तन में दही राखब, ओकरा के झापाल मत भूलीं । बर्तन के झप के फ्रिज में रखला से रउआ दही के शेल्फ लाइफ बढ़ा सकेनी ।
का रउरा स्टील भा प्लास्टिक के बर्तन में दही राखेनी ? अगर हाँ त अब दही के भंडारण खातिर कांच के बर्तन के इस्तेमाल करे के चाही । कांच के बर्तन दही में खट्टापन के विकास के रोकेला ।
एह तपत गरमी में दही के बहुत देर तक बहरी छोड़ल ठीक ना होखेला । गरमी के चलते दही जल्दी खराब हो जाई । अगर रउआ दही खरीदले बानी त ओकरा के कांच के बर्तन में डाल के तुरंत फ्रिज में राखे के चाही ।
