अफगानिस्तानको राजधानी काबुलमा नयाँ वर्ष मनाउने क्रममा आइतबार एउटा ठूलो घटना भएको छ । यहाँको सैनिक विमानस्थलमा भीषण विस्फोट भएको छ, जसमा १० जनाको मृत्यु भएको छ भने ८ जना गम्भीर घाइते भएका छन् । तालिवानको आन्तरिक मन्त्रालयका प्रवक्तालाई उद्धृत गर्दै मिडिया रिपोर्टमा यो जानकारी दिइएको हो ।
तालिवानको आन्तरिक मन्त्रालयका प्रवक्ता अब्दुल नाफी टक्कुरले सैन्य विमानस्थलको मुख्य गेट नजिकै विष्फोट भएको बताए । यस आक्रमणको जिम्मेवारी अहिलेसम्म कसैले लिएको छैन ।
प्राप्त जानकारीका अनुसार तखारका तालिवान सुरक्षा कमाण्डर अब्दुल मुबीन साफीले स्थानीय प्रशासनिक कर्मचारीको डेस्कमुनि बम राखिएको बताए । पछिल्ला महिनाहरूमा यहाँ विस्फोटका घटना बढ्दै गएका छन् ।
अफगानिस्तानमा बुधबार पनि विस्फोट भएको थियो । उत्तरी तखार प्रान्तको राजधानी तालुगान सहरमा भएको विष्फोटमा परी चार जना घाइते भएका थिए ।
