रुसले सोमबार युक्रेनको राजधानी कीभ लगायतका धेरै सहरहरूलाई मिसाइल आक्रमणको साथ निशाना बनाएको थियो र यस अवधिमा उसले आवासीय क्षेत्रहरूलाई पनि छोडेन । रुसले ८४ वटा मिसाइल प्रहार गरेको खबर छ ।
राजधानी कीभमा भएको आक्रमणमा ध्वस्त भएका सवारी साधन र भवनको भग्नावशेष सडकभर छरिएको देखिएको छ ।
युक्रेनका विभिन्न क्षेत्रमा बिहानै भएको आक्रमणमा कम्तीमा १० जनाको मृत्यु हुनुका साथै करिब ६० जना घाइते भएको प्रहरीले जनाएको छ । देशको आपतकालीन सेवाले नौ जनाको मृत्यु भएको जनाएको छ । हताहतको विवादास्पद संख्या तुरुन्तै मिलाउन सकिएन ।
रुसी सेनाले फेब्रुअरी २४ मा छिमेकी युक्रेनमा आक्रमण गरेको थियो । रुसी राष्ट्रपति भ्लादिमिर पुटिनले युक्रेनमा भएको आक्रमण मस्को नियन्त्रित क्रिमियन प्रायद्वीपको पुलमा भएको आक्रमण सहित कीभको “आतंकवादी” कार्यको जवाफमा भएको बताए ।
