दक्षिण अफ्रिकाको जोहानेसबर्गस्थित एक बारमा बम आक्रमणकारीले अन्धाधुन्ध गोली चलाएको छ । यस गोलीबारीमा 14 जनाको मृत्यु भएको छ र ३ जना गम्भीर घाइते भएका छन् । उनीहरुलाई नजिकैको अस्पताल लगिएको छ । जोहानेसबर्गको सोवेटो टाउनशिपको एक बारमा गोली हानाहान भएको प्रहरीले जनाएको छ । प्रहरीले यस विषयमा अनुसन्धान गरिरहेको छ यो घटना शनिबार राति भएको हो ।
आक्रमणकारीहरू मध्यरातको केही समयपछि जोहानेसबर्गको सोवेटोमा रहेको बारमा प्रवेश गरी अन्धाधुन्ध गोली चलाउन थाले । आक्रमणकारीहरू त्यसपछि सेतो रंगको टोयोटा क्वान्टम मिनीबसमा भागेका थिए । यस हमलामा १० जना घाइते भएको बताइएको छ भने तीन जनाको अवस्था गम्भीर रहेको छ ।
प्रहरीका अनुसार बारमा मानिसहरु नाचिरहेका थिए जब आक्रमणकारी आएर गोली चलाउन थाले । अचानक भएको घटनाले हलचल मच्चाएको छ । जसमा १२ जनाको घटनास्थलमै र २ जनाको अस्पताल लैजाने क्रममा मृत्यु भएको थियो । यसरी कुल १४ जनाको मृत्यु भएको छ ।
स्थानीय सञ्चारमाध्यमका अनुसार मृत्यु हुनेमा अधिकांश १९ देखि ३५ वर्षका छन् । ओर्लान्डो प्रहरी स्टेशन कमाण्डर ब्रिगेडियर नोनहल्लान्ला कुबेकाले विस्तृत जानकारी चाँडै दिइने बताए । घटनास्थलबाट बरामद कारतूसबाट आक्रमणकारीको संख्या एकभन्दा बढी रहेको प्रहरीले जनाएको छ ।
