पाकिस्तानको पञ्जाब प्रान्तमा ल्यापटपको ब्याट्री विस्फोट भएपछि बुधबार एउटा घरमा आगलागी भएको थियो । विस्फोटमा कम्तीमा दुई जनाको मृत्यु भएको थियो भने अन्य सात जना घाइते भएका छन् ।
जानकारीअनुसार ल्यापटपको ब्याट्री चार्ज गर्दा विस्फोट भएको थियो र त्यसले घरमा आगलागी निम्त्यायो । घटनापछि घरमा बस्ने पाँच बालबालिका र दुई महिलासहित परिवारका नौ सदस्यलाई अस्पतालमा भर्ना गरिएको उद्धार अधिकारीहरूले बताए ।
एक भाइ र एक बहिनीको पछि उपचारका क्रममा अस्पतालमा मृत्यु भएको रिपोर्टले जनाएको छ । फैसलाबादको सरिफ पुरा क्षेत्रमा यो घटना भएको जियो न्युजले जनाएको छ ।
