प्रहरी चौकी रातोमाटे, मकवानपुरबाट खटिएको प्रहरी टोलीले जिल्ला, मकवानपुर हेटौडा उपमहानगरपालिका वडा नम्बर १५ रातोमाटे चेकपोष्ट स्थित सडकमा सवारी साधनहरु रोकी चेकजाँच गर्ने क्रममा दुइजना महिलाहरुलाई पक्राउ गरिएको छ ।
हेटौडाबाट काकडभित्ता तर्फ जादै गरेको ज १ ख ३३३७ नम्बरको यात्रुबाहक बसमा सवार भई आएका जिल्ला, मकवानपुर बकैया गाँउपालिका वडा नम्बर ४ मन्थली बस्ने ३२ वर्षकी चमेली माया घलान र सोहि ठाउँको वडा नम्बर १० बस्ने २५ वर्षकी रोजीना घलानलाई नियन्त्रणमा लिएको छ ।
शंका लागि निजहरुलाई खानतलासी गर्दा निजहरुले बोकेको झोला भित्र लागूऔषध गाँजा १२ किलो ५०० ग्राम फेला परेको हुंदा उक्त लागूऔषध सहित निजहरु चमेली माया घलान र रोजिना घलानलाई नियन्त्रणमा लिई मकवानपुर जिल्ला, अदालत हेटौडाबाट १० दिनको म्याद अनुमती लिई थप अनुसन्धान कार्य भइरहेको कुरा जिल्ला प्रहरी कार्यालय, मकवानपुरले जनाएको छ ।
