प्रहरी चौकी रातोमाटे, मकवानपुरबाट खटिएको प्रहरी टोलीले जिल्ला, मकवानपुर हेटौडा उपमहानगरपालिका वडा नम्बर १५ रातोमाटे स्थित सडकखण्डबाट दुइजना व्यक्तिलाई लागूऔषध गाँजा सहित पक्राउ गरेको छ ।
चितवनबाट बिरगंजतर्फ जादै गरेको ना ४ ख ५९२२ नम्बरको यात्रुवाहक बसमा सवार भई आएका देश भारत बिहार राज्य मोतिहारी जिल्ला पश्चिमी चम्पारण वडा नम्बर ३६ बस्ने ३७ वर्षको जितेन्द्र जैसवाल र सोहि ठाउँमा बस्ने ३८ वर्षको मनोज कुमार दासलाई शंका लागी रितपुर्वक खानतलासी पुर्जी दिई खानतलासी गर्दा उक्त व्यक्तिहरुलाई पक्राउ गरिएको छ ।
निजहरुले आ-आफ्नो शरीरमा कपडाले छोपी लुकाई छिपाई गरी राखेको अवस्थामा ४ किलो लागूऔषध गाँजा फेला परेको हुदाँ उक्त लागूऔषध सहित निजहरुलाई नियन्त्रणमा लिई थप अनुसन्धान कार्य भईरहेको कुरा जिल्ला प्रहरी कार्यालय मकवानपुरले जनाएको छ ।
