झापाको दमक नगरपालिका वडा नम्बर ९ बरगाछीबाट स्थानीय २९ वर्षको अर्जुन पौदारलाई प्रतिबन्धित लागूऔषध ब्राउनसुगर सहित प्रहरीले पक्राउ गरेको छ ।
लागूऔषधको ओसार पसार भईरहेको भन्ने बिशेष सूचनाको आधारमा ईलाका प्रहरी कार्यालय दमकबाट खटिएको प्रहरी टोलीले पौदारलाई पुष ३ गते १ ग्राम १०० मिलिग्राम प्रतिबन्धित लागूऔषध ब्राउनसुगर सहित पक्राउ गरेको छ ।
निजलाई पक्राउ गरि थप अनुसन्धान भइरहेको कुरा कोसी प्रदेश प्रहरी कार्यालय विराटनगरले जनाएको छ ।
