रुस र युक्रेनबीच जारी तनावमा कमी आउने कुनै संकेत देखिएको छैन । तर यसैबीच अमेरिकी राष्ट्रपति जो बाइडेनको दाबीले रुस–युक्रेन युद्धबारे विश्वको चिन्ता बढाएको छ । अमेरिकी राष्ट्रपति जो बाइडेनले रुसी राष्ट्रपति भ्लादिमिर पुतिनले निकट भविष्यमा युक्रेनमाथि आक्रमण गर्ने निर्णय गरेकोमा आफू निश्चित रहेको बताएका छन् । बाइडेनले भने कि उनीसँग विश्वास गर्ने कारण छ कि यो आगामी दिनहरूमा हुनेछ र राजधानी किभमा आक्रमण हुनेछ ।
यसअघि अमेरिकाले लगातार ठूलो मात्रामा आक्रमण गर्ने अन्तिम निर्णय पुतिनले गरेको हो भनी ढुक्कसँग भन्न नसकिने भन्दै आएको थियो । बाइडेनले मूल्याङ्कन परिवर्तन भएको बताए । उनले यस मूल्याङ्कनको लागि अमेरिकाको ‘महत्वपूर्ण खुफिया’ क्षमतालाई उल्लेख गर्दै भने, ‘यस क्षणमा म पक्का छु कि उनीहरूले निर्णय गरेका छन्।’ र हामीसँग विश्वास गर्ने कारण पनि छ ।’
बाइडेनले आक्रमणको घटनामा रूसमाथि कडा आर्थिक र कूटनीतिक प्रतिबन्ध लगाउने आफ्नो चेतावनी दोहोर्याए र आफ्नो निर्णयमा पुनर्विचार गर्न आह्वान गरे ।
