सेनेगलका आप्रवासी बोकेको डुङ्गा पश्चिम अफ्रिकाको केप भर्डे टापुको तटमा पल्टिँदा ६० जनाभन्दा बढीको मृत्यु भएको छ । इन्टरनेशनल अर्गनाइजेसन फर माइग्रेसन (आईओएम) ले बुधबार सो जानकारी दिएको हो । आप्रवासनका लागि अन्तर्राष्ट्रिय संगठन (आईओएम) ले बुधबार पश्चिम अफ्रिकाको केप भर्डे टापु नजिकै सेनेगलबाट आएका आप्रवासी डुङ्गा भेटिएपछि ६० भन्दा बढी व्यक्तिको मृत्यु भएको जनाएको छ ।
आईओएमका प्रवक्ता सफा मशेलीले ६३ जनाको ज्यान गएको आशंका गरिएको बताए । योसँगै ३८ जनाको उद्धार गरिएको छ । जसमा १२ देखि १६ वर्ष उमेर समूहका चार बालबालिका रहेका छन् । ‘पिरोग’ भनेर चिनिने काठको माछा मार्ने डुङ्गा सोमबार एट्लान्टिक महासागरमा सालको केप भर्डियन टापुबाट करिब १५० समुद्री माइल (२७७ किलोमिटर) टाढा फेला परेको प्रहरीले जनाएको छ ।
मासेलीले एएफपीलाई आपतकालीन सेवाहरूले सात जनाको शव फेला पारेको र अन्य ५६ जना बेपत्ता भएको बताए ।
