पाकिस्तानको एक हिन्दु मन्दिरमा आक्रमण गरेर फेरि एकपटक देवताका मूर्तिमा क्षति पुगेको छ । रिपोर्टहरूका अनुसार यो घटना पाकिस्तानको सबैभन्दा ठूलो सहर कराँचीको हो, जहाँ मन्दिरमा आक्रमण गरेर पुजारीलाई कुटपिट र मूर्तिहरू तोडफोड गरिएको थियो ।
घटनाको जानकारी दिँदै प्रहरीले कराचीको कोरंगी क्षेत्रमा रहेको श्री मारी माता मन्दिरमा बुधबार देवताका मूर्ति तोडफोड गरेको जनाएको छ । यो मन्दिर कोरङ्गी थाना क्षेत्रको ‘जे’ क्षेत्रमा अवस्थित छ । स्थानीयका अनुसार अपहरणकारीले पुजारीलाई पनि कुटपिट गरेका छन् ।
घटनाको जानकारी पाएलगत्तै प्रहरी घटनास्थल पुगेको थियो । प्रहरीले घटनास्थलको निरीक्षण गरेपछि घटनाको सम्बन्धमा सोधपुछ गरेको थियो । मन्दिरको मूर्ति तोडफोड र पुजारीमाथि आक्रमणको घटनापछि कराँचीको हिन्दू समुदाय आतंकित छ । कुनै अप्रिय घटना हुन नदिन कोरङ्गी क्षेत्रमा प्रहरी तैनाथ गरिएको भए पनि त्यस्ता व्यवस्थाले पनि खासै फरक नपर्ने गरेको पटक-पटक देखिएको छ ।
